حوار فلسطيني بين عريس وعروس اقرا واستفيد واعطيني ردك

بسم الله الرحمن الرحيم

محاولة اولى بالعامية ،، اتمنى ان تنال اعجابكم وان تستفيدوا منها
على باب احدى الصالات المخصصة لاحتفالات الاعراس توقفت سيارة العريس والعروس ونزل العريس ،، ومد يده مشيرا لعروسه بالنزول للتوجه الى الصالة لاستكمال مراسم الزفاف حيث كانت الصالة تعج باهل العروس واهل العريس وانطلقت اصوات الموسيقى من المكان لتستقر فى اذن العروس التى نظرت لزوجها بدهشة وقالت :
انا سامعة صوت موسيقى ولا بيتهيا لى
العريس : ايه مش عارف اه موسيقى والله اعلم
العروس : احنا شو اتفقنا .. انا من الاول اشترطت انه الحفلة تكون اسلامية
- امشى يا بنت الحلال وبيفرجها ربنا
_لا بالاول بدى افهم الحفل اسلامى ولا لا
-يابنت الحلال توكلى على الله وامشى خلى هالليلة تعدى على خير هو يوم ومعدى
-لا طبعا ما بابدا حياتى بموسيقى وضلالات من البداية اتفقنا اسلامى ليه تغير الاتفاق
- انتى بتعرفى انه اهلى الى تكفلوا بفلوس الصالة والحفلة وما بقدر اتحكم فى رغبتهم بيكفى طنشنا الفدعوس ورفضت انه يزفونى بفدعوس
رجعت العروس وركبت بالسيارة وقالت لازم تحدد قبل ما افوت الصالة بتروح الى غرفة الادارة وبتطلب منهم اناشيد اسلامية وانا من بعدها بافوت ولازم يكون هدا اقتناعاتك انت والمفروض انه انت الى ترفض وجود موسيقى
- يابنت الحلال اخزى الشيطان وعدى هاليوم على خير مابقدر اعاند امى وراح تفهم الموضوع تحدى الها ولقراراتها
- -لا انا ماباتحدى حدا هاى طريقتى بالحياة وما بابدا حياتى بمخالفة لشرع الله وسنة نبينا ثم انا كل صاحباتى متدينات ومابيقبلوا يتواجدوا بمكان فيه مخالفة للشريعة واهلى شيوخ ومتدينين وما بيقبلوا هالشى
- مخالفة شو يا بنت الحلال شايفانى جايب خمرة ولا رقاصات والعياذ بالله كلها شوية اغانى لينبسطوا اهلى واهلك ساعتين وبيعدوا وكل واحد بيروح لحال سبيله
- لا الامور مش هيك الى بيرضى يبدا حياته بالطرب والمجون مابيكون له امان بعد هيك كلمة وماراح ارجع فيها غير اسلامى ما بافوت الصالة روح وتشاور مع امك واقنعها عساها تقتنع
- ياربى من وين هالمصيبة حلت على راسى
- شو قصدك انا مصيبة
- لا حبيبتى ماقصدتك
حمل حاله اخينا وتوجه للصالة وكانت امه نافشة ريشها زى ديك الحبش وقاعدة ماحدا قدها الليلة عازمة القرايب والحبايب المسكين قرب وهمس باذنها بكلمتين وقبل مايكملهم كانت امه بترقع بالصوت الحيانى
- نعم نعم نعم اسم الله عليك خزات العين يمة حواليك من أولها ،، شو حكيت ماسمعت عيد على ياروح أمك سمعني تانى شو أمرت الهانم تعالى يا فلانة وشوفي الخيبة إلى أنا فيها من أولها بدها تعمل الولد خرخيشة ومابدها تنزل من السيارة الا تمشى أوامرها علينا
- يمة وطى صوتك ماتفضحينا الامور مش هيك ،، الله يهديكى وخلى هالليلة تعدى على خير انتى بتعرفى انها متدينة ومن الأول كانت بدها حفل اسلامى وهدا من حقها أهلها متدينين ومابيقبلوا يسمعوا الموسيقى
- يعنى هم متدينين واحنا طلعنا كفار مااحنا بنصلى وبنصوم قبل ما ينولدوا انا من الاول ماكنت مرتاحة لهالنسب ناس شايفة حالها ورافعة مناخيرها بالسما والبنت متكبرة لابتسلم على سلف ولا بتنكشف على قرايب ايش هالوقعة الى وقعنا فيها كله من ابوك ظل يقول اظفر بذات الدين اظفر بذات الدين شوف ودانا لوين هاى ذات الدين بدها تضحك الناس علينا وتسود وجهنا قدام قرايبنا وعيلتنا
- يمة مش هيك ومافيها شى لو خلينا الحفل اسلامى كمان انا ما بارتاح بالاغانى الى فيها موسيقى وكلام هابط
- ايش يا عينى ومن متى؟؟؟ الله يرحم السماعات وراديو سوا الى كنت ما تنام الا لما يشطب الارسال واليسا الى كنت لازق صورتها على باب الخزانة تتصبح وتتمسى بتمها الاعوج خلاص هالحين صرت مابتحب الاغانى
- يمة هو حرام الواحد يتوب المفروض تفرحى لى ربنا هدانى
- ياريت اصدقك بعدين تعال هون الاسلامى كيف بدك ترقص عليه سلو لتكون المنظومة مابدها ترقص سلو يا شماته العدوات فيكى ياخراب ديارنا ابنى الى باستنى بحفلته سنين بالاخر مايرقص سلو ليش ناقص ايد ولا رجل
- يمة الله يهديكى بلا منه هالحكى وسلو شو اسا احنا فى ايش وانتى فى ايش العروس فى السيارة بتستنى وانتى بتفكرى بسلو وبطيخ
- تستنى ولا تنقلع من مطرح ما اجت الله يسود وجهها متل مابدها تسود وجهنا يا خسارة الذهبات الى بعتهم علشان هالحفلة وخالتك الى بتستنى فينا نحط الها هز الكتف بحنية وحالفة لترقص لك يوم عرسك
- يمة بلا هز الكتف بلا هز الرجل ..انا فقعت منك
- ايش فقعت منى اهىء اهىء اهىء ربى وقلبى غضبانين عليك روح الها روح خليها تنفعك والله والله والله غير الحفلة تمشى متل مابدى انا وماتمشى كلامها علينا
- وحمل حاله ورجع
- ها شو صار
- شو صار يعنى امى وباعرفها ما وافقت وحلفت لتغضب على والا الحفلة تمشى متل مابدها
- للاسف امك مافهمتنى وماكنت حابة تتطور الامور لهيك لو انك من الاول حسمت الامور قبل هاليوم ماكان هدا حالنا انا مضطرة ارجع لبيت اهلى لحتى تحل مشاكلك مع امك
- استنى يا بنت الحلال الله يهديكى
- الهداية هى انى ما اتواجد فى مكان فيه موسيقى وانا اسفة
- طيب استنى وين رايحة
- وهنا تدخل والد العريس وتقدم نحوهم وقال
- شو فى ليه مانزلت عروستك من السيارة
- احضرنا يابا وحكى له الى صار كله
- اها هادى امك وباعرفها لازم تحط العقدة فى المنشار وبتموت فى المظاهر الكذابة
- طيب يابا شو اعمل شور على
- اسمع انت وعروستك بدى اعرض عليكم الحل اذا وافقتم عليه بتكونوا انتم الاتنين شاريين وكل واحد متمسك فى التانى
- دخيلك يابا هات الحل
- شوف اركب السيارة وخذ عروستك وعلى داركم وبلا حفلة بلا هم
- وامى يابا
- امك سيبها على بيعينى الله على لسانها يلا توكل على الله والف مبارك لكم
- وانتهت الطوشة وتحركت السيارة

اما ابو العريس ومعركته مع ام العريس فنتركها لخيال القارىء

\ قال النبي -صلى الله عليه وسلم / (‎صَوْتَانِ مَلْعُونَانِ فِي الدُّنْيَا وَالآخِرَةِ: صَوْتُ مِزْمَارٍ عِنْدَ نِعْمَةٍ، وَصَوْتُ ‏وَيْلٍ عِنْدَ مُصِيبَةٍ) رواه البزار، وحسنه الألباني‎، وقال -صلى الله عليه وسلم..(لَيَكُونَنَّ مِنْ أُمَّتِي أَقْوَامٌ يَسْتَحِلُّونَ: الْحِرَ، وَالْحَرِيرَ، ‏وَالْخَمْرَ، وَالْمَعَازِفَ) رواه البخاري تعليقا، ووصله أبو داود وغيره بسند صحيح؛ فلا يجوز استخدام أدوات الموسيقى -غير الدُّف- ولو بين النساء.[center]

السلام عليكم
سرد قصصي بسيط و بعيد عن التعقيد و يمكن نلاقي كتير حموات بالطريقة هاي و نلاقي عرسان مثل هيك واقع بالنص بين امه و مرته و مش عارف يتصرف بس هل ممكن نلاقي عروس مثل هيك في ليلة عرسها ما ترضى بما يغضب الله و هل ممكن نلاقي عم مثل هيك يساندها و يتحمل رصاصات مرته يلي بتتقل مية يهودي
اعجبتني القصة على خيالاتها و اسلوبها الرائع بانتظار ما حصل بين الحما و الحماية هههههههههه الله يستر